Qabul va Talablar

Mualliflar uchun yoʻriqnoma

Respublika Dermatovenerologiya va kosmetologiya markazi ilmiy-amaliy jurnali dermatologiya, venerologiya va estetik tibbiyot sohasidagi dolzarb ilmiy natijalarni, klinik kuzatuvlar va innovatsion tadqiqotlarni chop etadi.

Maqolani qabul qilish talablari

Maqolalar o'zbek va rus tillarida qabul qilinadi.

  • Maqolalar Microsoft Word dasturida, A4 formatida, chapdan 3,0 sm, o'ngdan 1,5 sm, yuqori va pastdan 2,0 sm hoshiyalar bilan, Times New Roman shrifti, 12 o'lchamda va 1,5 intervalda yozilishi kerak.
  • Hajmi: klinik kuzatuvlar uchun 8 betgacha, umumiy sharhlar uchun 12 betgacha, ilmiy tadqiqotlar uchun 10 betgacha.
  • Birinchi sahifada: maqola nomi, mualliflar F.I.O., tashkilot nomi va shahar ko'rsatilishi shart.
  • Maqolalar barcha mualliflar tomonidan imzolangan holda, mas'ul shaxsning telefon raqami va elektron manzili bilan 2 nusxada topshiriladi. Elektron nusxa majburiy.
  • Annotatsiya o'zbek, rus va ingliz tillarida 150 so'zgacha hajmda taqdim etilishi kerak.
  • "Kalit so'zlar" 3 tilda, 3-6 ta so'z yoki iboradan iborat bo'lishi kerak.
  • Amaliy holatlar (case study) maqolalarida mavzu yoritilib, so'ngra klinik kuzatuv bayon qilinadi va fotosuratlar ilova qilinadi.
  • Tadqiqot maqolalari quyidagi tartibda bo'lishi shart: Kirish, Metodlar, Natijalar, Muhokama, Xulosalar.
  • Qisqartmalar (umumqabul qilinganlardan tashqari) taqiqlanadi.
  • Adabiyotlar ro'yxati alifbo tartibida, to'liq ma'lumotlar bilan rasmiylashtiriladi.
  • Illyustratsiyalar raqamlanishi va alohida sahifada imzolari bo'lishi kerak.
  • Maqolaga muassasa rahbarining imzosi tushirilgan yo'llanma xat va ekspert xulosasi, hamda UDK raqami ilova qilinishi shart.
  • Boshqa nashrlarga yuborilgan yoki chop etilgan maqolalar qabul qilinmaydi.
  • Maqolalar maxfiy tarzda taqrizdan o'tkaziladi. Talabga javob bermaydigan maqolalar ko'rib chiqilmaydi.

Plagiat siyosati

Barcha maqolalar Antiplagiat tizimida tekshiriladi. Ko'chirmachilik, matnni sun'iy o'zgartirish yoki boshqa manbalardan noqonuniy foydalanish holatlari aniqlanganda maqola zudlik bilan rad etiladi.